Sa aking pagbangon sa umaga, nabigla ng mapagtantong pananghalian na pala.
Nais maduwal ng maamoy ang nilulutong masarap ng ulam ni Pangga.
Nadagdagan pa ang inis ng sa paglapit nya'y amoy ulam na rin sya.
Biglang akong nainis at pairap na sinabing bago ako lapita's maligo muna sya.
Masarap ang pag-uusap namin ni irog sa harap ng telebisyon,
Ng walang ano ano's umalpas ang aking emosyon.
Nagmadaling lumapit si Pangga upang ako'y aluin.
Di namalayang ilang oras na palang ako basa ng luha at sumpungin.
Maging si Pangga ay nagtaka sa pagbabago ng aking pagkahabahabang daing,
Ayun pala'y isang munting sanggol na ang nabuo at inaasahan naming dumating.